Peter話小朋友同動物都係毒藥,叫我小心d,與其搵個細路,倒不如搵個佬好過,起初聽到都怯怯地,最後都選擇了搵兩個細路試鏡,可以控制場面才找我心目中的主角吧!幸好,最後兩位細路的專業表現,確實不得不服,特別是平時最拗計的細路,雖然ng左數十次,仍然保持專業,做足功課,越演越投入,這是我所為之感動的,小小年紀,這種單純的堅持,我諗好多佬都做唔到啦~~

開鏡前一晚,仲係橫風橫雨,心諗都係拍唔成了,便抱頭大睡,第二朝被强光刺眼吵醒,什麼是天公造美??即刻叫媽子上番三炷香便起行了!!

一開始的時侯,小朋友都害害羞羞,在公眾場合拍攝的時候,也是閃閃縮縮,不是很自然的,但開始投入角色,便很快上手,比我想象中順利,有一個shot仲連續一take過拍左成分鐘,真係笑死我,我睇左十幾次都覺得太正了!!!周圍影周圍拍,我諗小朋友都好累了,但係佢地都無怨言,本身完工要閃人了,但係諗諗下想補番個shot,便叫佢地番轉頭再埋位,都冇托手肘!!認真一讚!

對我來說,今次感覺良好~!

仲未有時間剪,可能要到九月尾先出到街,咁多位等下啦~~!